تعالوا نحسبها “!!! لنعرف من غريمنا “!!
عمران نت / 12 مارس 2018م
بقلم / د/ علي الصنعاني
ازمة غاز !!! اين الحوثيون مايضبطوا, هم الحوثيون السبب, يشتوا الحوثيون يفتعلوا ازمة عشان يرفعوا سعره الى 7000 !!! ما كفاش الحوثيون سعر 5000 يشتوا اكثر “!! الله اكبر عليكم ياحوثيين وعلى ثورتكم اللي اسقطت الجرعة وسقتنا الاف الجرعات
وبعد ازمة الغاز بثلاثة ايام يدور الحوثيون عن مصيبة ثانية لافوق راسهم فوق الاولى بسرعة مافيش وقت ويفعلوا ازمة بترول عشان يرتاحوا الناس منهم والا كيف “!!
حدثت ازمة بترول مفتعلة رغم بيان شركة النفط بوجود الكميات الكافية, وبرضوا الحنق والغضب والتذمر الشعبي موجه صوب الحوثيين
يعني في نظركم ان الحوثيين مايكفيهم مشكلة الغاز وحنق وغضب الشارع عليهم, اضافوا ازمة البترول عشان يلعنوهم الناس اكثر واكثر
وبكرة سيتم افتعال ازمة ديزل وبعدها ملح و بعدها دقيق وكلها سيكون غضب الشارع نحو الحوثيين وهم من يفتعلونها لمصلحتهم “!!
طيب ياعباقرة ليش ماسألتم انفسكم من المستفيد من هذه الازمات ولمصلحة من حدوثها لاشك ان اي عاقل سيدرك انها تصب في مصلحة العدوان فهي تخلخل الجبهة الداخلية اكثر واكثر “!! ايش استفاد الحوثيون من هذه الازمات ان كانوا يقفون خلفها “!! ممكن واحد يحسب لي بالقلم والمسطرة ماهي مكاسب الحوثيين من هكذا منغصات “!! وليش كلها في وقت واحد “!!
مش ملاحظين ان هذه المنغصات ستصرف منهم جهد وطاقات في محاولات حلها علي حساب الجبهات لكي يخففوا من معاناة شعبهم وغضبهم عليهم “!!
تصدقوا ان الكلام عن ازمة البترول سمعته امس وقت الظهيرة فوق الباص قبل ان يكون هناك اي مؤشرات على حدوثها وزداد الكلام عصرا وليلاً حتى صدقها الناس وصارت ازمة “!! واليوم ترى مواقع المرتزقة تحدد سعر البترول ب10500 رغم ان المحطات في معظمها مازالت تبيع بسعر 7200 وسترون غدا ان السعر سيصل الى 10500 مثلما قالوا بالضبط ان لم تحدث اجراﺀات فعالة وسريعة الليلة من قبل السلطات “!!
امس كنت اشتي اكتب واقول بعد ماسمعته في الشوارع احذروا انهم يعدّون لافتعال ازمة بترول لكني تراجعت حتى لا يفهم منشوري غلط عند البعض وبذلك اخدم العدوان “!! المهم السب والشتم والغضب والحنق على الحوثيين ويجي واحد حمار يقولك الحوثيين المستفيدين “!! طيب ياحمار كان على الاقل عيخلوا ازمة الغاز تمر وبعد فترة يعملوا ازمة جديدة مش بعدها بعدها لو كنت تعي او تعقل ومعك شوية منطق ولو كذب مش هكذا “!! من كانوا يشتغلون على شيطنة الانصار قبل 2 ديسمبر مازالوا يمارسون ذلك الدور باتقان وباوامر من دول العدوان “!! انتبهوا ياانصار “!!
